Grýlan Moody

Grýlan Moody var auðvitað orðin leið á að hræða Íslendinga að beiðni bresku ríkisstjórnarinnar og þeirrar íslensku óbeint. Hún skammaðist sín líka eftir að forseti Íslands hraunaði yfir hana í gegnum stóra Bloomberg-"hátalarann", daginn eftir NEI-ið. Slíkt hafði víst enginn vogað sér fyrr, enda kváðu neyðaróp við. En skessan lét sér segjast og hefur nú snúið sér að meira spennandi bráð, sjálfum Kananum og lækkað við hann lánshæfiseinkunnina þannig að titringur fer nú um hæstu spilaborgir heimsins. Það kemur vel á vondan, enda ber Kaninn meginsökina á heimskreppunni. Ráðherrarnir okkar tveir sem sáu sitt óvænna að banka uppá hjá skessunni vestra, til að afsaka misnotkunina á henni í hræðsluáróðrinum hér heima, mega auðvitað þakka fyrir að hafa sloppið án hýðingar. En það er hæpið að þeir sleppi við vöndinn í næstu Alþingiskosningum.

Varnarsigur fyrir Ísland

Athugasemdir

[Ingibjörg Guðrún Magnúsdóttir, 21.4.2011 kl. 06:50]

Ég held að það sé engin hætta á því að þau sleppi við vöndin og verða þau heppin ef almenningur lætur sér hann nægja á þau...

[Daníel Sigurðsson, 21.4.2011 kl. 16:33]

Góðan daginn Ingibjörg og megi þín kærkomnu orð rætast, enda nánast borin von að þessi ríkisstjórn taki sig á úr þessu og verð landinu til sóma.

Kær kveðja,

Daníel